RDC : Mpaka Mwana Matiki Ntotila parle de Mvuluzi Kimbangu Diantungunua !

Kimbangu Diantungunua Nde Eyano est son groupe Facebook, Mpaka Mwana Matiki Ntotila est un professeur qui enseigne, pas la géographie, l'histoire ou la chimie mais Mvuluzi Kimbangu Diantungunua ! En Grande-Bretagne où il réside, il ne force personne à croire, il n'impose pas sa spiritualité et sa croyance, Kimbangu Diantungunua Nde Eyano est réponse et programme.

RDC : Mpaka Mwana Matiki Ntotila parle de Mvuluzi Kimbangu Diantungunua !

Freddy Mulongo Mukena, Réveil FM International

mpaka-mwana-matiki-ntontila-1

Chacun doit allumer son "Mwinda" pour lui-même, sa famille et ses ancêtres. Il faut Ko Bima Na Nzamba pe Komiyeba po na Kozua Kimpwanza !  Nzambe azali Nzambe ! Nani a koki koyeba muntu moko aya na mokili oyo , asala bikamua na kombo na ye , Baboma ye 59 fois akufa té, a sambela te , a sala jeûne te , akufa te , 30 ans na boloko, 120 fouets par jour, abotama na nzela ya muasi te, mutu wana azali ? Sikoyo na banzembo bayembaka balobaka : yesu moninga malamu , yesu mobali ya libala , yesu commando , yesu yaya na nga , nabala yesu . Sikoyo lokola azali Nzambe , est-ce que Nzambe azalaka moninga na biso ? Nzambe azalaka yaya na biso ? Nzambe azalaka mobali na biso ? Nzambe azalaka mobali ya libala ? Nzambe azalaka commando ? Toutes ces qualifications sont de parole ne l'air des âmes perdues, qui vivent les tenèbres cauchemadesques. Kozanga Koyeba ezali Liwa. Mpaka Mwana Matiki Ntotila azongisi biyano na mituna na biso po tososola Mvuluzi Kimbangu Diantungunua. 

TO BONGISA LOLENGE NA BISO YA KOBUNDELA MAMA KONGO

1. Réveil FM International: Mpaka Matiki Pona nini babengi yo Mwana Ya Kimbangu Diantungunua ? Ozali Mwana na ye physique to ya molimo ?

Mpaka Mwana Matiki Ntotila: Babengi ngai Mwana ya KIMBANGU DIANTUNGUNUA mpo TATA apona koko naye moko oyo afandi na ndaku naye pona ko sungaka ye. 
Biso nioso tozali Bana pe Bakoko ya TATA KIMBANGU DIANTUNGUNUA,  kasi moko kaka nde azalaka pembeni naye . TATA alingi Bakoko naye nioso ya mingi,  ba yaka pe ba zongaka epayi baboti na bango. Kasi koko moko kaka atikalaka na TATA KIMBANGU DIANTUNGUNUA. 
Tala tina ba bengaka ngai Mwana ya KIMBANGU DIANTUNGUNUA.

2. Réveil FM International: Pona ni biso Bana Kongo tozali na pasi ya ko ndima Mvuluzi Kimbangu Diantungunua ? Bobungi na biso ewuti wapi ? Soki ozali kotambola soki obungi nzela tozongaka na sima. Pourquoi po na makambo ya molimo na biso to zali na pasi ya ko ndima bobungi na biso ?

Mpaka Mwana Matiki Ntotila: To kangama makasi na consolation oyo bapaya ba memelaki biso na fimbu. Milimo na biso ezoka ya mingi, yango ba nzoto na biso ekota coma. Ata tomoni na biso ete nzela tozali kolanda yango te,  kasi tokoki kobima yango te,  mpo makasi ezali te. Batu bazalaki kobeta biso fimbu ba kenda kala,  kasi tozali kaka na somo na bango.

KOMIYEBA PONA KOZUA KIMPWANZA © MATIKI MWANA KIMBANGU DIANTUNGUNUA

3. Réveil FM International: Bokesi ezali nini entre Bena Kongo ? Bana 'Kongo ? Bakolo Kongo ? Bana Bilaka ? Bana Elonga ?

Mpaka Matiki: Ba kombo nioso otangi ezali ba groupe oyo bazali kotanga kombo ya TATA na biso. Batu na batu na ndenge ba yebeli ye. Basusu babengi TATA na kombo ya Mvuluzi, Simon Kimbangu,  prophete... Kasi biso tobengi ye TATA KIMBANGU DIANTUNGUNUA.  
Ya motuya na miso ya TATA KIMBANGU DIANTUNGUNUA ezali moko na moko akoka kokoma Mwana Bilaka. Soki okoluka oyeba Mwana Bilaka to Bana Bilaka bazali ba nani? Bana Bilaka bazali Bana oyo ba telemisa Dalapo KIMBANGU DIANTUNGUNUA,  ba telemisa Mwinda KIMBANGU DIANTUNGUNUA pe na maboko basimba Likonga KIMBANGU DIANTUNGUNUA. 
Koloba ke ozali mwana ya Mvuluzi ezali malamu, kasi ya motuya na miso ya TATA ezali soki ozali mwana eleka .

4. Réveil FM International: Tata Simon Kimbangu na Kimbangu Diantungunua bazali mutu moko ? Bokeseni ezali na nini ?

Mpaka Mwana Matiki Ntotila: Simon KIMBANGU  to KIMBANGU DIANTUNGUNUA  azali mutu moko. Kasi bokeseni ezali na ndenge nini oyebeli ye. 
Pona batu misusu, ba oyo ba kangama makasi na lokuta bapaya ba memelaki biso, azali prophete to envoyé soki ya nani. 
Pona ba oyo ba lamuka na pongi pe bakoma na Mwinda,  ba bengaka TATA na biso KIMBANGU DIANTUNGUNUA.

5. Réveil FM International: Kongo Dia Ntotila ezali Mboka esantu. Soki totali réaction ya Église Kimbanguiste po banda régime ya Mobutu ti lelo, ata condamnations moko te bo na régime oyo ezali ko nyokolo bantu. Est-ce que Mvuluzi Kimbangu Diantungunua aseplaka na ba injustices pe ba dictatures ?

Mpaka Mwana Matiki Ntotila: Ba Kimbanguistes ba bengaka TATA na biso Simon Kimbangu pe balobi azali envoyé. Soki ozobgeli eyano towuti kopesa na motuna eleki,  oko sosola ete bandeko na biso ba Kimbanguistes,  esengeli na bango,  ba lamuka na pongi pe bazua Mwinda. 
TATA KIMBANGU DIANTUNGUNUA azali juste,  akoki ko sepela na injustice ata moko te. Ba dictateurs ba dondaka pona na tango moke,  oyebi te ba sukelaka wapi.

TO BATELA MILIMO NA BISO © MATIKI MWANA KIMBANGU DIANTUNGUNUA

6. Réveil FM International: Indépendance Cha Cha 30 juin 1960 ezala ya lokuta. Kimpwanza ya mibalé ezali ya suka. Mosusu ezali te. Il faut kosala nini po échec ya oyo ya liboso ezongela te ? Ba préalable nini Kimpwanza dia zole esalema na kimia ?

Mpaka Mwana Matiki Ntotila: Indépendance ya le 30 juin 1960 ezali raté. TATA KIMBANGU DIANTUNGUNUA alakisaki mindele oyo ba lingaki ba mona. Bapaya ba bimaki mboka na lombango pona kopesa biso lipanda na biso.
Problème ezali ke ba tata na biso bazalaki ya kobongama te mpo bakamba mboka ya KIMBANGU DIANTUNGUNUA. 
Na table ronde ba tombolaki Bonkoko na biso te, ba lingaki bakoma ba evolué. Tala likambo ebebiselaki biso lipanda ya 1960. Ba leaders na biso ba kotaki kotaki ba ndako ya mindele pe milimo na bango ekangamaki na mitambo ya bapaya. 
Kasi Bana Bilaka pe Bana Elonga ba ko kosama ata moke te. 
Esengeli na biso to miyeba pe to mindima mpo bapaya ba botola Kimpwanza na biso te.

7. Réveil FM International: Po na nini Bana Kongo bazali na bolembu ya kokumisa Nvuluzi Kimbangu Diantungunua ? Ezali paresse to kokangama ya molimo ? To sala nini ?

Mpaka Mwana Matiki Ntotila: Milimo na biso ezoka ya mingi. Ezali pete te pona ko bikisa molimo. To landela kaka ba ndoto na biso pe to pusa matoyi na oyo Bana Elonga bazali koloba,  esengo ekoya ko botama na mitema na biso. 
Ekozala malamu mingi soki  bandeko ba sosoli yambo balota ndoto ya suka. Soki bakoki ko sosola te, ekozalela bango pasi.

8. Réveil FM International: Na RDC, na balabala moko ba Binzambi Nzambi mitano to muambe. Bato bazali Kosambela mais Mboka ezali kotambola kaka te...

Mpaka Mwana Matiki Ntotila: Ezali nde ba magablo etonda na ba balabala na biso. TATA MPUNGU, TATA KIMBANGU DIANTUNGUNUA to BAKOKO ba yokaka eloko moko te na bisika wana. Tango Bana ba kozua KIMPWANZA na bango,  ba ko miyeba pe mindima. Bana ba kokima bisika wana na bango moko. Pasi ezali ko kotela  mboka na bisika wana.

TATA NA BISO AZALI YE MOKO © MATIKI MWANA KIMBANGU DIANTUNGUNUA

9. Réveil FM International: Makanisi na yo po na mboka esantu ?

Mpaka Mwana Matiki Ntotila: Lokola biso Bana Bilaka pe Bana Elonga to telemi,  na ngonga moko boye,  pasi na biso ekokoma na suka. Tozali komema lisungi na biso mpo bandeko na biso baya ko lamuka na pongi,  kobima na potopoto pe na zamba. Mopepe ya makasi ekoleka,  soki ekuti yo ya ko kangama na potopoto ekozala pasi mingi. Kongo ezali paladisu na biso bayindo,  esengeli to sepela na oyo TATA KIMBANGU DIANTUNGUNUA alambeli biso.

10. Réveil FM International: Mvuluzi Kimbangu Diantungunua azali Kimbanguiste ? 

Mpaka Mwana Matiki Ntotila: TATA KIMBANGU DIANTUNGUNUA Azali TATA,  MFUMU,  MOLIMO SANTU,  MWINDA,  KITALATALA.... Azali nioso pona biso,  kasi Azali Kimbanguiste te. Ba Kimbanguistes bayebi DIANTUNGUNUA te,  ebongo akozala Kimbanguiste lolenge nini?

Matondo,  matondo,  matondo mingi koko MULONGO MUKENA ya Réveil FM International na ko telema na yo. Na nzela na yo bayindo mingi ba koya ko lamuka na pongi na bango. 
TATA KIMBANGU DIANTUNGUNUA Apambola yo ya mingi pe Apambola ba oyo ba kotanga yo

Le Club est l'espace de libre expression des abonnés de Mediapart. Ses contenus n'engagent pas la rédaction.